ශ්රී ලන්කන් ගුවන් සේවයේ හිටපු ප්රධාන විධායක නිලධාරී කපිල චන්ද්රසේන හා රුසියාවේ හිටපු ශ්රී ලංකා තානාපති උදයංග වීරතුංග යන දෙදෙනාට අැමෙරිකා එක්සත් ජනපදය විසින් සම්බාධක සහ වීසා සීමා තහනම් පනවා ඇත.
කපිල චන්ද්රසේන එයාර්බස් ගුවන් යානා මිලට ගැනීමේදී අල්ලස් ගත් බවටත් උදයංග වීරතුංග ශ්රී ලංකා ගුවන් හමුදාවට මිග් ගුවන් යානා මිලදී ගැනීමේ දූෂිත වැඩපිළිවෙළක් ක්රියාත්මක කළ බවටත් චෝදනා කරමින් මෙම පියවර ගෙන තිබේ.
ඒ අනුව ඔවුන් දෙදෙනාට සහ ඔවුන්ගේ සමීපතම පවුලේ සාමාජිකයන් සියළු දෙනාගේ නම් ප්රසිද්ධ කර එරටට ඇතුළුවීම තහනම් කර ඇත.
ශ්රී ලංකා ගුවන් සේවයේ හිටපු ප්රධාන විධායක නිලධාරී කපිල චන්ද්රසේන:
7031(ඇ) වගන්තියට අනුව රාජ්ය දෙපාර්තමේන්තුව විසින් කපිල චන්ද්රසේන සැලකිය යුතු දූෂණයකට සම්බන්ධ බවට ප්රසිද්ධියේ නම් කරයි. චන්ද්රසේන ශ්රී ලංකන් ගුවන් සමාගමේ ප්රධාන විධායක නිලධාරියා ලෙස කටයුතු කරමින් සිටියදී ශ්රී ලංකාව එයාර්බස් ගුවන් යානා වෙළෙඳපොළ වටිනාකමට වඩා මිල දී ගැනීම සහතික කිරීම සඳහා අල්ලසක් ලබා ගත්තේය. මෙම ක්රියාවෙහි කොටසක් ලෙස, ඔහුගේ සමීපතම පවුලේ සාමාජිකයන් ද නම් කරනු ලැබේ.
උදයංග වීරතුංග, රුසියාවේ හිටපු තානාපති:
7031 (ඇ) වගන්තියට අනුව රාජ්ය දෙපාර්තමේන්තුව උදයංග වීරතුංග සැලකිය යුතු දූෂණයකට සම්බන්ධ බවට ප්රසිද්ධියේ නම් කරයි. වීරතුංග ශ්රී ලංකා ගුවන් හමුදාවට මිග් ගුවන් යානා මිලදී ගැනීම සම්බන්ධ දූෂිත යෝජනා ක්රමයකින් පුද්ගලිකව ප්රතිලාභ ලබා ගත්තේය. මෙම ක්රියාවෙහි කොටසක් ලෙස, ඔහුගේ සමීපතම පවුලේ සාමාජිකයන් ද නම් කරනු ලැබේ.
