කාර්තිව් පොලිස් වසමේදී නින්දවූර් සිට සමන්තුරය දෙසට ධාවනය වූ පිරිමි ළමුන් 11 දෙනෙකු රැගත් ට්රැක්ටර් රථයක් ගංවතුර හේතුවෙන් කාර්තිව් බස් නැවතුම්පොල ආසන්නයේ පිහිටි පාලම අසලින් පෙරළී ගොස් ඇත.
මෙම අනතුරින් ළමුන් 06 දෙනෙකු, ට්රැක්ටර් රථයේ රියදුරු හා ඔහු සමඟ ගමන් කළ තවත් පුද්ගලයෙකු ගංවතුරට ගසා ගෙන ගොස් මේ වන විට අතුරුදහන් වී ඇති අතර ළමුන් 05 දෙනෙකු දිවි බේරාගෙන ඇත.
මෙම අතුරුදහන් වූ ළමුන් අවුරුදු 12 ත් 16 ත් අතර වයස්වල පසුවන සමන්තුරය ප්රදේශයේ පදිංචිකරුවන් වේ.
මොවුන් නින්දවූර් මද්රසා පාසලේ සිට නිවෙස් බලා ට්රැක්ටර් රථයෙන් ගමන් කරමින් සිටියදී, ගංවතුර හේතුවෙන් මෙම අනතුරට ලක්ව ඇති බවට දැනට සිදු කරන ලද විර්මශනයේදී අනාවරණය වී ඇත.
පොලිසිය හා ප්රදේශවාසීන් එක්ව අතුරුදහන් වූ ළමුන් සොයා මෙහෙයුම් කටයුතු සිදු කරනු ලබයි.
