රී ලංකාවේ ප්රතිසංස්කරණ ක්රියාදාමයට සහ දිගුකාලීන සංවර්ධන ඉලක්ක සපුරාලීම සඳහා සහාය ලබාදීමට යුරෝපා සංගමය කැමති බව යළිත් තහවුරු කර තිබේ.
මෙම සහතිකය ලබා දී ඇත්තේ, ජාත්යන්තර හවුල්කාරිත්වය පිළිබඳ යුරෝපා සංගමයේ කොමසාරිස් Jozef Síkela මහතා සහ අග්රාමාත්ය ආචාර්ය හරිනි අමරසූරිය අතර පැවති ද්විපාර්ශ්වික හමුවකදීයි.
අග්රාමාත්ය කාර්යාලය සඳහන් කරන්නේ, මෙම හමුව ස්විට්සර්ලන්තයේ පැවැත්වෙන 56 වන ලෝක ආර්ථික සංසදයේ වාර්ෂික රැස්වීම අතරතුර පැවැත්වුණු බවයි.
එහිදී දෙපාර්ශ්වයම සාකච්ඡා කළේ,
- ආර්ථික ප්රතිසාධනය
- අධ්යාපන ප්රතිසංස්කරණ
- ඩිජිටල් පරිවර්තනය
- දේශගුණික විපර්යාසවලට ඔරොත්තු දීමේ හැකියාව ශක්තිමත් කිරීම
- තිරසාර සංවර්ධනය
වැනි ක්ෂේත්රවල ශ්රී ලංකාව සහ යුරෝපා සංගමය අතර සහයෝගීතාව තවදුරටත් ශක්තිමත් කිරීම පිළිබඳවයි.
අග්රාමාත්ය ආචාර්ය හරිනි අමරසූරිය මේ වනවිට ලෝක ආර්ථික සංසදයට සහභාගී වීම සඳහා ස්විට්සර්ලන්තයේ සංචාරයක නිරතව සිටින බවද වාර්තා වේ.
