ජාතික ජන බලවේග ආණ්ඩුව බලයට පත්වූ මුල් දින කිහිපය තුළ ගාලුමුවදොර පිටියේ ගාල්කර පෙන්නු වාහන අද එම පක්ෂයේ මන්ත්රීවරුන් හා ඔවුන් පත් කල ආයතන ප්රධානීන් අතර බෙදා දී ඇති බවට තොරතුරු ඇතැයි සමගි ජන බලවේග පාර්ලිමේන්තු මන්ත්රී හර්ෂණ රාජකරුණා මහතා පවසයි.
එම වාහන වෙන්දේසියේ දමා විකුණන බව පැවසුවද එවන්නක් සිදු කර නැතැයි ද ඔහු කියා සිටී.
පාර්ලිමේන්තු ආපනශාලාවෙන් ආහාර නොගන්නා බව කලින් ඔවුන් පැවසුවත් දැන් එය අමතක කර තුන් වේලම පාර්ලිමේන්තුවෙන් ආහාර ගන්නා බවත් ඔහු කියයි.
පාර්ලිමේන්තු මන්ත්රීවරුන් සඳහා වැටුප්, විශ්රාම දීමනා, නිල නිවාස කිසිවක් එපා කිවු මන්ත්රීවරුන් අද ඒවා සියල්ල ලබාගෙන සිටින බවටත් ඔහු පැවසුවේය.
අද ආණ්ඩුවේ ජනතාවට දුන් පොරොන්දු අමතක කර ඇති බවත් ජනතාවට ඇහුම්කන් නොදෙන බවටත් ඔහු චෝදනා කළේය.
ගම්පහ ප්රදේශයේදී මාධ්ය අමතමින් ඒ මහතා මෙම අදහස් පළ කරන ලදී.
