“ක්ලීන් ශ්‍රී ලංකා” වැඩ­ස­ට­හන පිළි­බඳ පාර්ලි­මේන්තු විවා­දය  අද(21) සහ හෙට(22) පැවැ­ත්වී­මට පාර්ලි­මේන්තු කට­යුතු පිළි­බඳ කාරක සභාව තීර­ණය කර ඇත.

කථා­නා­යක වෛද්‍ය ජගත් වික්‍ර­ම­රත්න මහ­තාගේ ප්‍රධා­න­ත්ව­යෙන් පැවැති පාර්ලි­මේන්තු කට­යුතු පිළි­බඳ කාරක සභා රැස්වී­මේදි මෙම තීර­ණය ගෙන ඇත. එමෙන්ම 21 වැනිදා සිට 24 දක්වා පාර්ලි­මේ­න්තුව රැස්වී­මට ද පාර්ලි­මේන්තු කට­යුතු පිළි­බඳ කාරක සභාවේ දී තීර­ණය කර ඇත. 21 වැනි අඟ­හ­රු­වාදා පෙර­වරු 9.30 – පෙර­වරු 10.00 කාලය ස්ථාවර නියෝග 22හි සඳ­හන් 1 සිට 6 දක්වා සඳ­හන් පාර්ලි­මේන්තු කට­යුතු සඳහා කාලය වෙන්කර ඇත. පෙර­වරු 10.00 – පෙර­වරු 11.00 කාලය වාචික පිළි­තුරු අපේක්ෂා කරන ප්‍රශ්න සඳහා වෙන් කර ඇති අතර පෙර­වරු 11.00 – පෙර­වරු 11.30 කාලය ස්ථාවර නියෝග 27(2) යටතේ ප්‍රශ්න සඳහා වෙන් කර තිබේ.

ඉන්ප­සුව පෙර­වරු 11.30 සිට පස්වරු 5.30 දක්වා රජය විසින් ගෙන­එන “ක්ලීන් ශ්‍රී ලංකා” වැඩ­ස­ට­හන පිළි­බඳ සභාව කල්තැ­බීමේ විවා­දය පැවැත්වේ. ක්ලීන් ශ්‍රී ලංකා වැඩ­ස­ට­හන පිළි­බඳ සභාව කල්ත­බන අව­ස්ථාවේ විවා­දය 22දාත් පැවැත්වේ. 22 වැනිදා, ආන­යන හා අප­න­යන (පාලන) පනත යටතේ අංක 2413/37 දරන ගැසට් පත්‍රයේ පළ කළ රෙගු­ලාසි, ක්‍රමෝ­පාය සංව­ර්ධන ව්‍යාපෘති පනත යටතේ අංක 2399/16 දරන ගැසට් පත්‍රයේ පළ කළ නිවේ­ද­නය, ආන­යන හා අප­න­යන (පාලන) පනත යටතේ අංක 2384/35 දරන ගැසට් පත්‍රයේ පළ­කළ රෙගු­ලාසි, වරාය සහ ගුවන් තොටු­පළ සංව­ර්ධන බදු පනත යටතේ අංක 2377/39 දරන ගැසට් පත්‍රයේ පළ කළ නියෝ­ගය විවා­ද­යට ගැනී­මට ද මෙහි දී තීර­ණය වී ඇත. එදින පස්වරු 3.30 සිට පස්වරු 5.30 දක්වා කාලය විරුද්ධ පාර්ශ්වය විසින් ගෙන එනු ලබන යෝජ­නා­වට අනුව සභාව කල්තැ­බීමේ විවා­දය පැවැ­ත්වී­මට ද මෙහි දී එක­ඟ­ත්වය පළවී තිබේ.