නඩත්තු කටයුත්තක් හේතුවෙන් තාවකාලිකව ක්රියාවිරහිත කර තිබූ නොරොච්චෝලේ ලක්විජය ගල් අඟුරු විදුලි බලාගාරයේ ජනන යන්ත්රයක් යළි යථා තත්ත්වයට පත් කර ඇති බව වාර්තා වේ.
කෙසේ වෙතත්, එම ජනන යන්ත්රය මගින් උත්පාදනය කරනු ලබන විදුලිය මේ වන විට ජාතික විදුලි බල පද්ධතියට එක් කිරීමට කටයුතු කර නොමැති අතර, ඉදිරි දින කිහිපය තුළදී එය පද්ධතියට සම්බන්ධ කිරීමට සැලසුම් කර ඇති බව සඳහන් වේ.
නොරොච්චෝලේ විදුලි බලාගාරය තුළ ජනන යන්ත්ර තුනක් ක්රියාත්මක වන අතර, ඒවා මඟින් සමස්තයෙන් ජාතික විදුලි බල පද්ධතියට මෙගාවෝට් 900ක විදුලි බලයක් එක් කිරීමට හැකියාව පවතී. කෙසේවෙතත්, මේ වන විට එක් ජනන යන්ත්රයක් මගින් පමණක් ජාතික පද්ධතියට විදුලිය සැපයෙමින් පවතින බව වාර්තා වේ.
මෙම අතර, තවත් එක් ජනන යන්ත්රයක් තවදුරටත් අක්රීය තත්ත්වයේ පවතින අතර, එයද යළි ක්රියාත්මක කිරීමට අවශ්ය නඩත්තු හා අලුත්වැඩියා කටයුතු මේ වන විට සිදුකරමින් පවතින බව අදාළ ආරංචි මාර්ග සඳහන් කරයි.
විදුලි ඉල්ලුම ඉහළ යන කාලසීමාවකදී නොරොච්චෝලේ ජනන යන්ත්ර සම්පූර්ණයෙන් ක්රියාත්මක වීම ජාතික විදුලි සැපයුම ස්ථාවර කර ගැනීම සඳහා වැදගත් බවද විදුලි බල ක්ෂේත්රයේ විශේෂඥයන් පෙන්වා දෙති.
