ගාසා තීරයේ දකුණු ප්රදේශයේ කාන් යූනීස් නගරයේදී ඉස්රායල් quadcopter ඩ්රෝන් යානයක් එල්ල කළ පහරකින් පුද්ගලයින් තිදෙනෙකු මරණයට පත්ව ඇති බව පලස්තීන ආරංචි මාර්ග සඳහන් කරයි.
මරණයට පත්වූවන් අතර ප්රදේශයේ ප්රධාන පොලිස් නිලධාරියෙකුද ඇතුළත් බව ගාසා බලධාරීන් පවසති. මෙම පහරදීම ජන ඝනත්වය වැඩි ප්රදේශයක් ආසන්නයේ සිදු වූ බවත්, එය නැවතත් නගරික ප්රදේශවල ඩ්රෝන් ප්රහාර පිළිබඳ අවධානය යොමු කිරීමට හේතු වී ඇති බවත් සඳහන් වේ.
පහරදීමට පෙර quadcopter ඩ්රෝනය පහළ උසකින් ගමන් කරමින් සිට ඇත. ඉස්රායල් හමුදාව ගාසා තුළ කුඩා ඩ්රෝන් යානා වැඩි වශයෙන් භාවිත කරමින් සිටින අතර, එය නිරීක්ෂණය සහ නියමිත ඉලක්ක හඳුනාගැනීම සඳහා බව ඔවුන් පවසයි.
කෙසේ වෙතත්, පලස්තීන බලධාරීන් කියා සිටින්නේ එවැනි ප්රහාරයකදී බොහෝ විට සාමාන්ය ජනතාවට හානි සිදුවන බවයි.
කාන් යූනීස් නගරය වර්තමානයේ ගාසා තුළ දැඩි ලෙස බලපෑමට ලක්වූ ප්රදේශයක් වන අතර , ගුවන් පහර, ඩ්රෝන් ප්රහාර සහ භූමි මෙහෙයුම් දිගින් දිගටම සිදු වෙමින් පවතී.
ජාත්යන්තර මානව හිමිකම් සහ මානව ආධාර සංවිධාන සාමාන්ය ජනතාව සහ සිවිල් සේවකයන් ආරක්ෂා කිරීමට වහාම පියවර ගන්නා ලෙස නැවතත් ආයාචනා කර තිබේ.
