නීති විරෝධී ලෙස ශ්රී ලංකා මුහුදු සීමාව උල්ලංඝනය කරමින් මසුන් ඇල්ලු ඉන්දීය ධීවරයින් පිරිසක් අද (13) අලුයම ඩෙල්ෆ්ට් දූපත ආසන්න මුහුදු ප්රදේශයේදී ශ්රී ලංකා නාවික හමුදාව විසින් අත්අඩංගුවට ගෙන ඇත.
නාවික හමුදා ආරංචි මාර්ග සඳහන් කරන්නේ, මෙම ධීවරයින් ඉන්දියාවේ රාමේෂ්වරම් ධීවර වරායෙන් මුහුදට පැමිණ, මෙරට මුහුදු සීමා නීති උල්ලංඝනය කරමින් මසුන් ඇල්ලීම සිදු කර ඇති බවයි.
මෙම සිද්ධියට සම්බන්ධ ඉන්දීය ධීවරයින් දස දෙනෙකු සහ ඔවුන් භාවිත කළ ධීවර යාත්රාව අත්අඩංගුවට ගෙන ඇති අතර, එම පිරිස පසුව කරෙයිනගර් නාවික හමුදා කඳවුර වෙත රැගෙන ගොස් ඇත.
අත්අඩංගුවට ගත් ධීවරයින් සහ ධීවර යාත්රාව ධීවර හා ජලජ සම්පත් දෙපාර්තමේන්තුව වෙත භාරදීමට නියමිත අතර, එයින් අනතුරුව නීතිමය කටයුතු සඳහා අධිකරණයට ඉදිරිපත් කිරීමට නියමිත බව ද සඳහන් වේ.
පෝක් සමුද්ර සන්ධියේ නීති විරෝධී ධීවර කටයුතු සම්බන්ධයෙන් මෙවැනි සිදුවීම් නිරන්තරයෙන් වාර්තා වන අතර, එය සාගර සම්පත් ආරක්ෂාව සහ ද්විපාර්ශ්වීය සම්බන්ධතා පිළිබඳව අවධානය යොමු කරවයි.
