පාර්ලිමේන්තු මන්ත්රීවරුන්ගේ වැටුප් සහ දීමනා එකතු කරන පැලවත්ත ප්රදේශයේ පවත්වාගෙන යන බැංකු ගිණුමක් සම්බන්ධයෙන් අල්ලස් හෝ දූෂණ විමර්ශන කොමිසම දැඩි අවධානය යොමු කර ඇති බව වාර්තා වේ.
මෙම ගිණුම හරහා සිදු වූ බවට සැක පළවන මූල්ය ගනුදෙනු කිහිපයක් සම්බන්ධයෙන් ප්රශ්නකාරී තත්ත්වයක් මතුව ඇති අතර, ඒ පිළිබඳ මූලික විමර්ශන මේ වන විටත් ආරම්භ කර ඇති බව ආරංචි මාර්ග සඳහන් කරයි.
අදාළ ගිණුම මන්ත්රීවරුන්ගේ වැටුප් හා වෙනත් දීමනා එක්රැස් කිරීමට භාවිතා කර ඇති බවත්, එම ගනුදෙනු කිහිපයක නීතිමයභාවය පිළිබඳව ගැටලු මතුව ඇති බවත් වාර්තා වේ.
මෙම විමර්ශනය සම්බන්ධයෙන් මෙතෙක් නිල ප්රකාශයක් නිකුත් කර නොමැති අතර, අවශ්ය සාක්ෂි අනුව ඉදිරියේදී වැඩිදුර ක්රියාමාර්ග ගනු ලබන බවට අල්ලස් කොමිසමට සමීප ආරංචි මාර්ග පවසයි.
