කොළඹ සිට බදුල්ල බලා ධාවනය වෙමින් තිබු අංක 1015 දරණ උඩරට මැණිකේ සිග්‍රගාමි මගී දුම්රියට ගෙල තබා තරුණයකු මිය ගොස් ඇත.

මේ පිලිබදව කරන ලද විමසිමකදි අදහස් දැක්වු පතන දිඹුල පොලිසියේ නිලධාරියකු පවසන ලද්දේ 08වන දින දහවල් 2.10ට පමන කොළඹ සිට බදුල්ල දක්වා ‍්ධාවනය වෙමින් තිබු උඩරට මැණිකේ දුම්රියට හැටන් හා කොටගල අතර ක්‍රිෂ්ලට් ෆාම් ප්‍රදේශයේදි තරුණයකු ගෙල තබා සිය දිවි හානි කර ගෙන ඇති බවත්ය.

එසේ සිය දිවි හානි කර ගෙන ඇත්තේ බගවන්තලාව ප්‍රදේශයේ අවුරුදු 26ක් පමන වයසැති පුද්ගලයකු බවට මුලීක පරික්ෂනවලදි හදුනා ගෙන ඇති බවත් මෙසේ මිය ගිය අයගේ පශ්චාත් මරණ පරික්ෂණය පැවැත්විම සදහා අදාල මල සිරුර දික්ඔය ග්ලැන්කන් දිස්ත්‍රික් මුලීක රෝහල වෙත යැවිමට පියවර ගන්නා බවත්ය.

එමෙන්ම මේ පිලිබදව පතන දිඹුල පොලිසිය විසින් වැඩි දුර පරික්ෂන මෙහෙය වන බවද එම නිලධාරියා වැඩි දුරටත් පවසන ලදි.